احياء اولى ثانوى الترم الاول 2023 شرح درس الجزيئات البيولوجية الكبيرة والكربوهيدرات
كتبت : أبرار داؤد
مستخلص من شرح الأستاذ محمد عبدالرحمن
بسم الله الرحمن الرحيم والصلاة والسلام على سيدنا محمد صلى الله عليه وسلم وعلى اله وصحبه وسلم اجمعين.
رب اشرح لي صدري ويسر لي امري واحلل عقدة من لساني يفقهوا قولي ويسر لي امري.
طبعا في البداية بنرحب بطلاب اولى ثانوي ربنا يجعلها ان شاء الله اسعد ايامكم. وتنتهي المرحلة دي ان شاء الله كل واحد يكون محقق حلمه باذن الله رب العالمين. اه بس طبعا مطلوب من الناس الي في اولى ثانوي ان هي تنسى شويه التهريج واللي هو اللعب والحاجات اللي هي كانت في المرحلة الاعدادية. ويشتغلوا بقى على نفسهم ان شاء الله في اولى ثانوي يبقوا ناس كويسة وشخصيات نافعة ليهم ولغيرهم ان شاء الله رب العالمين.
في البداية ان شاء الله احب اعرفك بالاول
ما هو علم الاحياء ؟
ايه اللي احنا هندرسه في علم الاحياء ده؟
علم الاحياء ده يا شباب ده علم يهتم بدراسة كل ما يتعلق بالكائنات الحية. اي حاجة متعلقة بالكائنات الحية انا بدرسها في علم اسمه علم الاحياء. يبقى اذا يا شباب هو العلم الذي يهتم بدراسة كل ما يتعلق بالكائنات الحية. من حيث التركيب ومن حيث الوظيفه ومن حيث التنوع.
الحاجات دي كلها ياشباب بندرسها في علم اسمه علم الاحياء. يبقى انا باخد جسم الكائن الحي كده ادرسه كتركيب وكوظائف
ايه وظيفة الاجزاء دي مثلا في الكائن الحي ؟
طيب كتنوع
ما هو الاختلاف ما بين الكائنات الحية وبعضها البعض؟
كله يعتبر بندرسه في علم اسمه علم الاحياء. طيب دراستنا احنا السنة دي في البداية كده متعلقة بشوية حاجات كنا خدناهم في المرحلة الابتدائية. احب افكرك بهم بسرعة كده يا شباب في الاول.
اولا جسم الكائن الحي. عبارة عن ايه؟
لو احنا مشينا كتسلسل كده يا شباب
هل ان جسم الكائن الحي عبارة عن مجموعة من الاجهزة؟
يبقى اذا لو حبيت ان انا اتكلم على جسم الكائن الحي. هلاقي ان جسم الكائن الحي عبارة عن مجموعة من الاجهزة. كل جهاز من الاجهزة دول عبارة عن مجموعة من الاعضاء. طيب كل عضو من الاعضاء عبارة عن مجموعة من الانسجة. كل نسيج يا شباب يكون عبارة عن مجموعة من الخلايا. ده كده كنا بندرسه في المرحلة الابتدائية. على سبيل المثال مثلا جسم الانسان او جسمنا مكون من مجموعة من اجهزة زي مثلا الجهاز الهضمي الجهاز التنفسي الجهازالبولي عندنا مثلا جهاز الغدد الصماء، الاجهزة التناسلية، الجهاز الهيكلي، الجهاز العضلي ،الجهاز المناعي وجهاز اسمه جهاز الغدد الصماء دي كلها اجهزة في جسم الانسان إذا جسم الانسان عبارة عن مجموعه الأجهزه كل جهاز من الاجهزة دي عبارة عن مجموعة اعضاء. يعني مثلا احنا درسنا في المرحلة الابتدائية. درسنا الجهاز الهضمي. كان اعضاء الجهاز الهضمي الفم. وبعدين البلعوم. بعدين المريء. المعدة. الامعاء الدقيقة. الامعاء الغليظة.
درسنا مثلا ياشباب الجهاز التنفسي واعضاء الجهاز التنفسي الانف او الفم وبعدين عندي البلعوم وبعدين عندي القصبة الهوائية وبعدين عندي الشعبتين الهوائيتين وبعدين عندي الرئتين او الحويصلات الهوائية في الرئتين.
ده كده ياشباب بنسميها اعضاء الجهاز التنفسي درسنا الجهاز الدوري مثلا بناخد ان
ما اعضاء الجهاز الدوري؟
القلب والدم والاوعية الدموية.
درسنا الجهاز البولي كنا بنقول ان اعضاء الجهاز البولي الكليتين الحالبين المثانة البولية قناة مجرى البول. فهتلاقي في النهاية ان كل جهاز عبارة عن مجموعة من الاعضاء. من كل واحد في اللي احنا قلناهم بينقل عنه عضو. طب كل عضو من الاعضاء عبارة عن مجموعة من الانسجة. هنلاقي مثلا في انسجة عضلية اللي هي بتتميز بقدرتها على الانقباض والانبساط. وفي انسجة عصبية اللي هي بتنقل الرسائل العصبية
بما ان اعضاء الجسم فيه انسجة ضامة. اللي هي يعني غالبا بيكون دورها تدعيم الجسم او ربط اعضاء الجسم ببعضها لبعض
في انسجه طلائية اللي هي دورها ان هي تغطي الجسم من الخارج او تبطن التجاويف من الداخل.
ده كده ياشباب بالنسبة للانسجة. طيب كل نسيج في دول عبارة عن مجموعة خلايا.
إرسال تعليق